wd wp Пошук: ⬜

Аляксандр Іосіфавіч Бабашынскі

Аляксандр Іосіфавіч Бабашы́нскі (5 лютага 1905, Віцебск — 3 чэрвеня 1970, Віцебск) — вучоны ў галіне ветэрынарыі, доктар ветэрынарных навук (1945), прафесар (1946).

Біяграфія

А. І. Бабашынскі нарадзіўся ў Віцебску. У 1932 годзе скончыў Данскі ветэрынарны інстытут. У 1933—1938 гг. працаваў старэйшым навуковым супрацоўнікам на Растоўскай абласной ветэрынарнай доследнай станцыі, з 1938 па 1948 год дырэктарам Ленінградскага навукова-даследчага ветэрынарнага інстытута. У 1949—1950 гг. і з 1962 па 1969 год у Віцебску — загадчык кафедры зоагігіены Віцебскага ветэрынарнага інстытута.

Навуковая дзейнасць

А. І. Бабашынскі займаўся пытаннямі атручэння сельскагаспадарчай жывёлы ядавітымі раслінамі, даследаваў патагенез пры паратуберкулёзным энтэрыце буйной рагатай жывёлы, распрацаваў спосаб аптымізацыі мікраклімату свінарнікаў і птушнікаў шляхам выкарыстання цеплагенератараў і каларыфераў і інш.

Сярод апублікаваных прац:

Чесотка у сельскохозяйственных животных (1938, 1944)
Болезни свиней (1941)
Стригущий лишай сельскохозяйственных животных (1944)
Как ковать коня. В помощь молодому кузнецу (1944)

Зноскі

Літаратура

Бабашынскі Аляксандр Іосіфавіч // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз.

Спасылкі

История кафедры гигиены животных(руск.) // Сайт УА «Віцебская ордэна „Знак Пашаны“ дзяржаўная акадэмія ветэрынарнай медыцыны» (ВДАВМ)
Каляндар знамянальных і памятных дат на 2015 год / ДУ «Віцебская абласная бібліятэка імя У. І. Леніна», Аддзел краязнаўчай літаратуры і бібліяграфіі; склад. М. М. Бяляцкая, А. В. Радзевіч, А. А. Саладчук — Віцебск, 2014. — 167 с.: іл.
Российская национальная библиотека. Генеральный алфавитный каталог книг на русском языке (1725—1998)(руск.)