У Вікіпедыі ёсць артыкулы пра іншых асоб з прозвішчам Рубахаў.
Аляксандр Іванавіч Рубахаў (нар. 18 жніўня 1948, Гомель) — беларускі спецыяліст у галіне эканомікі, тэхналогіі і арганізацыі будаўніцтва. Доктар эканамічных навук (2002), доктар тэхнічных навук (1992), прафесар (1991).
Скончыў Беларускі політэхнічны інстытут (1970).
Працаваў у Брэсцкім дзяржаўным тэхнічным універсітэце (1971–2008, прафесар кафедры сусветнай эканомікі, маркетынгу, інвестыцый, у 1992–1997 – загадчык кафедры менеджменту і маркетынгу), Гуманітарна-прыродазнаўчым універсітэце імя Яна Длугаша ў Чэнстахове (Польшча), Чэнстахоўскім політэхнічным універсітэце (Польшча), Акадэміі фізічнага выхавання Юзафа Пілсудскага ў Варшаве (Бяла Падляска, Польшча).
Навуковыя інтарэсы: сістэматэхніка будаўніцтва; інвестыцыйнае праектаванне; міжнародны маркетынг; эканоміка турызму.