Альфрэд Сцёртэвант, Стэртэвант (21 лістапада 1891, г. Джэксанвіл, штат Ілінойс — 6 красавіка 1970) — амерыканскі вучоны ў галіне генетыкі, адзін з заснавальнікаў храмасомнай тэорыі спадчыннасці. Член Нацыянальнай акадэміі навук ЗША. Скончыў Калумбійскі ўніверсітэт. З 1911 года ў лабараторыі Т. Х. Моргана. У 1928-62 гг. — прафесар Каліфарнійскага тэхналагічнага інстытута. Навуковыя працы па сістэматыцы і параўнальнай цытагенетыці відаў роду дразафіла. Абгрунтаваў тэорыю лінейнага рамяшчэння генаў, адкрыў супрэсію (1920) і эфект становішча гена (1925).