wd wp Пошук: ⬜

Альжбета Радзівіл з Астрожскіх

Альжбета Сафія Пелагея Астрожская, у першым шлюбе Кішка, у другім Радзівіл (каля 1560 — 1599) — дачка Канстанціна-Васіля Астрожскага.

Біяграфія

Паходжанне

Дачка дзяржаўнага і ваеннага дзеяча Рэчы Паспалітай, украінскага праваслаўнага магната Канстанціна-Васіля Астрожскага (1526—1608) і яго жонкі Соф’і(англ.) бел. з Тарноўскіх (1534—1571). Мела трох братоў (Януша, Канстанціна(руск.) бел. і Аляксандра) і сястру Кацярыну(укр.) бел..

Сям’я

Да 1575 года пабраліся шлюбам з Янам Станіслававічам Кішкам. Шлюб быў бяздзетным[1]. 26 ліпеня 1592 Ян памёр.

Пасля смерці мужа стала чацвёртай жонкай Крыштафа Радзівіла Пяруна [2]. Другі шлюб таксама быў бяздзетным. Хрышчоная паводле праваслаўнага абраду, Альжбета завяшчала пахаваць сябе ў касцёле Святога Станіслава ў Вільні, чаму процідзейнічалі каталіцкія духоўнікі. Пасля шлюбу не пагадзілася перадаць права кіравання маёнткамі мужу, з-за чаго яны ў 1596—1597 гадах часта канфліктавалі. Праўдападобна, была пахавана ў 1600 годзе ў праваслаўнай царкве Слуцка[3].

Зноскі

↑ Tazbir J. Kiszka Jan h. Dąmbrowa (zm. 1592) // Polski Słownik Biograficzny. — Wrocław — Warszawa — Kraków : Zakład Narodowy Imienia Ossolińskich, Wydawnictwo Polskiej Akademii Nauk, 1966—1967. — T. ХII/4, zeszyt …. — S. 508. (польск.)
↑ Яго другой жонкай была родная сястра(англ.) бел. Альжбеты
↑ Lulewicz H. Radziwiłł Krzysztof zwany Piorunem h. Trąby (1547—1603)… — S. 274—275.