У Вікіпедыі ёсць артыкулы пра іншых асоб з прозвішчам Котаў. Альберт Іосіфавіч Котаў (28 кастрычніка 1937 в.Зафранцузская Грэбля Пухавіцкім раёне Мінскай вобласці) — беларускі гісторык, кандыдат гістарычных навук (1974), дацэнт (1977).
Малалетні вязень нямецкага лагера ў Мар’інай Горцы[1].
Закончыў Беларускі дзяржаўны ўніверсітэт (гістарычны факультэт, спецыяльнасць «Гісторыя», 1960); Беларускі політэхнічны інстытут (аспірантура, спецыяльнасць «Гісторыя КПСС», 1970).
Працуе ў Беларускім дзяржаўным універсітэце на гістарычным факультэце. Дацэнт на Кафедры гісторыі Беларусі новага і найновага часу (інфармацыя на 2010 г.).
Навуковыя інтарэсы: гісторыя аграрных адносін; гісторыя Другой сусветнай і Вялікай Айчыннай вайны; гісторыя развіцця фізкультуры і спорта Беларусі. Аўтар і суаўтар звыш 150 навуковых прац[2].
Ганаровае званне «Майстар спорту міжнароднага класа» (1964). Юбілейныя медалі Рэспублікі Беларусь «60 гадоў Перамогі ў Вялікай Айчыннай вайне 1941—1945 гг.» (2005), «65 год вызвалення Рэспублікі Беларусь ад нямецка-фашысцкіх захопнікаў» (2009), «65 гадоў Перамогі ў Вялікай Айчыннай вайне 1941—1945 гг.»