У Вікіпедыі ёсць артыкулы пра іншых асоб з прозвішчам Турава. Алеся Мікалаеўна Турава (6 снежня 1979, Дуброўна, Беларуская ССР) — беларуская спартсменка. Майстар спорту міжнароднага класа. Старэйшая сястра Маргарыты Туравай.
Першымі трэнерамі спартсменкі былі выкладчыкі Дубровенскай СДЮШАР Юрый Уладзіміравіч і Вольга Міронаўна Максакі.
Алеся Турава не раз вызначалася на турнірах Гран-пры. Удзельнічала ў чэмпіянатах Еўропы, турніры Супер Гран-пры ў Манака, у фінале Гран-пры ў Штутгарце, на Кубку свету ў Афінах.
На чэмпіянаце Еўропы ў горадзе Гётэбаргу (Швецыя, 2006) заваявала залаты медаль у бегу на 3000 м з перашкодамі — стыпль-чэзе. Такі від легкаатлетычных спаборніцтваў быў уключаны ў праграму еўрапейскага першынства ўпершыню, таму імя спартсменкі будзе ўнесена ў гісторыю першынства Еўропы-2006[2].