У Вікіпедыі ёсць артыкулы пра іншых людзей з імем Філатава . Фiлатава Алена Miкалаеўна (2 жніўня 1947, Масква, РСФСР) — беларускі гісторык, кандыдат гістарычных навук (2001), вядучы навуковы супрацоўнік аддзела гісторыі Беларусі Новага часу Інстытута гісторыі НАН Беларусі.
У 1965 г. скончыла сярэднюю школу № 6 у г. Маладзечна. У 1972 г. скончыла гістарычны факультэт Беларускага дзяржаўнага ўніверсітэта. З 1973 г. працуе ў Інстытуце гісторыі Нацыянальнай акадэміі навук Беларусі. У 2001 г. абараніла кандыдацкую дысертацыю на тэму «Конфессиональная политика царского правительства в Беларуси. 1772 — 1860 гг.» (навуковы кіраўнік — к.г.н. Валянціна Васільеўна Яноўская па спецыяльнасці 07.00.02 «Айчынная гісторыя» (абаронена 26.04.2001, зацверджана 05.07.2001)[1][2].
З 1973 г. працуе ў Інстытуце гісторыі Нацыянальнай акадэміі навук Беларусі: з 1973 г. – старшы лабарант, з 1983 г. — малодшы навуковы супрацоўнік, з 1989 г. — навуковы супрацоўнік, з 2001 г. — старшы навуковы супрацоўнік, з 2016 г. — вядучы навуковы супрацоўнік.
З 1996 па 2008 гг. працавала па сумяшчальніцтве на гістарычным факультэце БДУ: з 1996 г. на пасадзе старшага выкладчыка, з 2001 г. — дацэнта.
Аўтар каля 300 навуковых прац сярод якіх: