У Вікіпедыі ёсць артыкулы пра іншых асоб з прозвішчам Грыцэнка. Алена Мікалаеўна Грыцэнка (21 красавіка 1953, Мінск) — беларускі дыпламат.
Скончыла Мінскі дзяржаўны педагагічны інстытут замежных моў (1975), дзе потым працавала выкладчыкам да 1987 года. У 1988—1993 гадах працавала ў Міністэрстве Адукацыі БССР/Рэспублікі Беларусь. У 1993—1998 гадах працавала на кіроўных пасадах у Міністэрстве замежных спраў Рэспублікі Беларусь. У 1998—2003 гадах працавала ў пасольстве Рэспублікі Беларусь у Рэспубліцы Егіпет, потым зноў у Міністэрстве замежных спраў.
14 жніўня 2008 года прызначана была Надзвычайным і Паўнамоцным Паслом Рэспублікі Беларусь у Каралеўстве Нідэрланды, а таксама Пастаянным прадстаўніком Рэспублікі Беларусь пры Арганізацыі па забароне хімічнай зброі [1].