Алег Пятровіч Пузанко́ў[1] (Нарадзіўся 16 красавіка 1932 г., вёска Сазаны, Касцюковіцкі раён) — беларускі вучоны ў галіне земляробства. Кандыдат сельскагаспадарчых навук (1967).
Скончыў Гродзенскі сельскагаспадарчы інстытут (1956). У 1956—1994 гадах у Беларускім НДІ бульбаводства (з 1974 года — загадчык аддзела).
Навуковыя працы па метадах паляпшэння насеннай якасці бульбы, выкарыстанні культуры мерыстэмнай тканкі для атрымання бязвірусных клонаў раслін. Сааўтар 21 сорту бульбы, у т.л. Тэмп, Лошыцкі, Агеньчык, Ласунак, Явар, Альтаір і інш. Сааўтар шэрагу вынаходстваў[2].