Акадэмія Леона Казьмінскага ў Варшаве — польская прыватная вышэйшая навучальная ўстанова з сядзібай у Варшаве.
У 1993—2008 гадах функцыянавала як Вышэйшая школа прадпрымальніцтва і кіравання (з часам — імя Леона Казьмінскага), у 2008 годзе рашэннем Міністэрства навукі і вышэйшай адукацыі Польшчы атрымала сваю сучасную назву і статус.
З 2009 года акадэмія ўваходзіць у спіс найлепшых бізнес-школ свету, уключаных у рэйтынг Financial Times. Акадэмія мае найбольш важныя міжнародныя акрэдытацыі AACSB, AMBA і EQUIS і CEEMAN.
Установа месціцца па вул. Ягелонскай, 57/59 у варшаўскім раёне Прага-Поўнач у комплексе будынкаў былога завода па распрацоўцы і вытворчасці навуковай апаратуры. Навучальнай установе належыць 4 будынкі агульнай плошчай 21 тыс. м².