Адры́жынскі сельсавет — адміністрацыйна-тэрытарыяльная адзінка ў складзе Іванаўскага раёна Брэсцкай вобласці. Цэнтр сельсавета — аграгарадок Адрыжын.
Утвораны 12 кастрычніка 1940 года ў складзе Іванаўскага раёна Пінскай вобласці. З 8 студзеня 1954 года ў складзе Брэсцкай вобласці. З 25 снежня 1962 года па 6 студзеня 1965 года ў складзе Драгічынскага раёна. 7 лютага 1972 года скасавана вёска Сухі Бор (злілася з вёскай Падышча)[1]. 21 ліпеня 1980 года скасавана вёска Уласаўцы 1[2]. 17 лютага 1986 года да сельсавета далучана частка Залядынскага сельсавета.
Насельніцтва сельсавета паводле перапісу 2009 года (8 населеных пунктаў) — 1819 чалавек[3]. Нацыянальны склад: 97,6 % — беларусы[4].