Абро́ўскі сельсавет — былая адміністрацыйна-тэрытарыяльная адзінка ў складзе Івацэвіцкага раёна Брэсцкай вобласці. Цэнтр і адзіны населены пункт — аграгарадок Аброва.
Утвораны 12 кастрычніка 1940 года ў складзе Целяханскага раёна Пінскай вобласці БССР. З 8 студзеня 1954 года ў Брэсцкай вобласці. З 8 жніўня 1959 года ў складзе Івацэвіцкага раёна, з 25 снежня 1962 года — Бярозаўскага раёна, з 6 студзеня 1965 года — Івацэвіцкага раёна. Скасаваны 9 жніўня 2022 года, тэрыторыя далучана да Святавольскага сельсавета[1].
Насельніцтва сельсавета паводле перапісу 2009 года — 1110 чалавек[2], з іх 96,3 % — беларусы[3].
Колькасць двароў — 507 (2014 г.).