Абраў-Дзюрсо[2] (руск.: Абра́у-Дюрсо́) — сяло (раней — пасёлак гарадскога тыпу) у Краснадарскім краі Расіі. Адміністрацыйны цэнтр сельскай акругі Абраў-Дзюрсо муніцыпальнага ўтварэння горад Новарасійск. Знаходзіцца за 14 км на захад ад Новарасійска (з якім злучана шашой) і за 5 км на поўнач ад узбярэжжа мора. Паселішча размешчана на беразе горнага возера Абраў, ля месца ўпадзення ў яго аднайменнай ракі. Завод шампанскіх вінаў «Абраў-Дзюрсо».