У Вікіпедыі ёсць артыкулы пра іншых асоб з прозвішчам Жораў. Абрам Ільіч Жораў (1907, г. Магілёў — 1943) — беларускі скульптар.
Нарадзіўся ў Магілёве ў сям’і шорніка і краўчыхі. У сям’і было чацвёра сыноў[1]. Скончыў у 1929 годзе Віцебскі мастацкі тэхнікум. Служыў у лётнай вайсковай часці ў Гатчыне. Пасля некалькі гадоў жыл у Ленінградзе.
У час Вялікай Айчыннай вайны згінуў без весткі ў баях ва Украіне[2].
Асноўныя творы (гіпс) — «Качагар», «Плытагоны», «Лён», «С. Арджанікідзе ў разведцы пад Барысавам» (усе 1930-я гг.), праект помніка дукорскім партызанам (1940), «М. Ю. Лермантаў» (барэльеф, 1941). Прымаў удзел у афармленні Дома ўрада ў Менску (1932—1934), беларускага павільёна на Усесаюзнай выстаўцы ў Маскве (1939). Пасля вайны работа «Альпініст» знаходзілася каля кінатэатра «Піянер» у Мінску[2].
У 1935 годзе ажаніўся, меў дачку Святлану[2].