Аборты ў Азербайджане былі дазволеныя 23 лістапада 1955 года, калі Азербайджан уваходзіў у склад Савецкага Саюза. Азербайджан не змяніў дадзены закон пасля аднаўлення незалежнасці[1]. У цяперашні час азербайджанскае заканадаўства дазваляе аборты па патрабаванні цяжарнай жанчыны ў першыя 28 тыдняў. Пасля заканчэння першых 28 тыдняў перапыненне цяжарнасці можа быць зроблена толькі па сур’ёзных прычынах: медыцынскіх або сацыяльных. Аборт па медыцынскіх паказаннях можа быць праведзены на любым тэрміне цяжарнасці[1].
У 2014 годзе ў Азербайджане было зроблена 27 220 абортаў, што азначае 15,9 абортаў на кожных сто жыванароджаных[2] і 13,8 абортаў на 1000 жанчын ва ўзросце 15-49 гадоў[2].