Яўген Сяргеевіч Шатохін (25 лютага 1947, Пінск — 22 студзеня 2012, Пінск) — беларускі мастак, педагог, грамадскі дзеяч. Ганаровы грамадзянін горада Альберт (Францыя), былы член праўлення Беларускага Саюза Мастакоў, уваходзіў у мастацкую суполку «Пагоня». З пачатку 1990-х гадоў член сейма КХП-БНФ.
Памёр 22 студзеня 2012 года[заўв 1]. Пахаваны ў Пінску[2].
Цыкл «Па Беламор’і» (малюнак, літаграфія, лінарыт, 1977—1981 г.г.);
Нізкі: «Паўночная вёска» (літаграфія, 1972 г.), «Засваенне Поўначы» (Літаграфія, 1973 г.) «Час палёту» (літаграфія, 1981 г.), «Паўночнае надвор’е» (малюнак,1984 г.), «Была вайна…» (афорт, 1984 г.), «Суханскія навальніцы» (малюнак, 1985 г.), «Блізкасць космасу» (афорт, 1985 г.), «Спатканне з восенню» (малюнак,1986 г.), «Вяртанне дамоў» (малюнак, 1988 г.), «Краявіды чыстай зоны» (малюнак, 1989 г.), «У Паўночнай Францыі» (акварэль, 1992—2001 г.г.), «Блакітны бераг у Правансе» (малюнак, 1997 г.), «Мой горад»(акварэль,1997-1998 г.г.), «Сцяжынкі Язэпа Драздовіча» (малюнак, 1999 г.), «Гарбузовая восень»(малюнак, 1999 г.), «Палескія вандроўкі» (малюнак, 1998—2001 г.г.), « Неба і зямля Фердынанда Рушчыца»(малюнак,2000 г.), «Маўклівыя сведкі. Прысвячаецца 80 угодкам Слуцкага Збройнага Чыну» (малюнак, 2000 г.), «Парыжскія масты» (малюнак, 2001 г.), «Я нарадзіўся тут …»(малюнак, 2001 г.), «Сцяжынкі Язэпа Драздовіча-II» (малюнак, 2001 г.), «На сваёй зямлі» (малюнак,2002 г.), «Grand guerre. Памяць» (малюнак,2002 г.), «Peronne — ville sur Somme», (афорт, 2003 г.), «Chemin de memoir», (афорт, 2003 г.), «Землякі Васіля Быкава», (малюнак, 2004 г.), «Цішыня ў Бычках» (малюнак, 2004 г.), «Прыпяцкія сюжеты. Прысвячаецца У.Караткевічу», (малюнак, 2005 г.), «На шляху памяці», (акварэль, 2005 г.), «Вушацкія аўтографы», (малюнак, 2006 г.), «Янаўскія росы», (малюнак, 2006 г.), «Па слядох Напалеона Орды», (малюнак, 2006 г.), «Першы снег у Валодзькаве», (малюнак, 2007 г.)
У маі 2018 года Гуманітарна-асветніцкае грамадскае аб’яднанне «Садружнасць Палесся» прапанавала ўладам Пінска і мясцоваму Савету дэпутатаў надаць імя Яўгена Шатохіна гарадской мастацкай школе[3]. Ініцыятыва не атрымала падтрымку чыноўнікаў[4].