У Вікіпедыі ёсць артыкулы пра іншых асоб з прозвішчам Рахманько. Яўген Міхайлавіч Рахманько́ (25 жніўня 1945, в. Заполле, Карэліцкі раён, Гродзенская вобласць) — беларускі хімік-аналітык. Доктар хімічных навук (1994), прафесар (1996).
Скончыў у 1969 годзе БДУ, дзе і працаваў. З 1992 загадчык кафедры. 3 2000 генеральны дырэктар прадпрыемства «Унітэхпрам БДУ».
Навуковыя працы па даследаванні экстракцыйных працэсаў розных тыпаў, механізмаў функцыянавання вадкасных і плёначных аніёнселектыўных электродаў на аснове вышэйшых чацвярцічных амоніевых асноў. Арганізаваў вытворчасць дыягнастычных матэрыялаў, неабходных для медыцынскіх біяхімічных даследаванняў.