wd wp Пошук: ⬜

Яўген Міхайлавіч Рахманько

У Вікіпедыі ёсць артыкулы пра іншых асоб з прозвішчам Рахманько. Яўген Міхайлавіч Рахманько́ (25 жніўня 1945, в. Заполле, Карэліцкі раён, Гродзенская вобласць) — беларускі хімік-аналітык. Доктар хімічных навук (1994), прафесар (1996).

Біяграфія

Скончыў у 1969 годзе БДУ, дзе і працаваў. З 1992 загадчык кафедры. 3 2000 генеральны дырэктар прадпрыемства «Унітэхпрам БДУ».

Навуковая дзейнасць

Навуковыя працы па даследаванні экстракцыйных працэсаў розных тыпаў, механізмаў функцыянавання вадкасных і плёначных аніёнселектыўных электродаў на аснове вышэйшых чацвярцічных амоніевых асноў. Арганізаваў вытворчасць дыягнастычных матэрыялаў, неабходных для медыцынскіх біяхімічных даследаванняў.

Творы

Экстракция гомологов и их энергия гидратации (у сааўт.) //Журнал физической химии. 1987. Т. 61, № 4;
Пленочный хлоридселективный электрод на основе трихлормеркуриата тринонилоктадециламмония (разам з С. В. Ламака, В. Л. Ламакам) // Журнал аналитической химии. 2000. Т. 55, № 4.

Літаратура

Рахманько Яўген Міхайлавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 16: Трыпалі — Хвіліна. — 576 с. — 10 000 экз. — ISBN 985-11-0263-6 (т. 16), ISBN 985-11-0035-8.