wd wp Пошук: ⬜

Яўген Іванавіч Іванчанка

У Вікіпедыі ёсць артыкулы пра іншых асоб з прозвішчам Іванчанка. Яўген Іванавіч Іва́нчанка (27 чэрвеня 1943, г. Глазаў, Удмурція) — беларускі плывец, педагог, спецыяліст у вобласці тэорыі і методыкі фізічнага выхавання, спартыўнай трэніроўкі. Доктар педагагічных навук (1993), прафесар (1994). Заслужаны трэнер БССР (1976), СССР (1981).

Біяграфія

Чэмпіён і рэкардсмен Беларусі 1961—1963 па плаванні. Скончыў у 1966 годзе Беларускі інстытут фізічнай культуры па спецыяльнасці «Фізічная культура і спорт». У 1966—1967 гадах трэнер Спартыўнага клуб Арміі Беларускай ваеннай акругі. У 1967—1974 гадах выкладаў у Беларускім інстытуце фізічнай культуры. У 1973 годзе скончыў аспірантуру Дзяржаўнага цэнтральнага інстытута фізічнай культуры ў Маскве. У 1975—1984 гадах трэнер зборнай каманды СССР па плаванні. З 1989 года ў Акадэміі фізічнага выхавання і спорту. У 1995—2003 гадах першы прарэктар.

Творчасць

Аўтар навучальных і метадычных дапаможнікаў, у т.л. «Плаванне ў комплексе ГПА» (1976, з Г. Э. Васілеўскім), «Навука пра спартыўнае плаванне» (1993), «Тэорыя і практыка спорту» (ч. 1—З, 1996—1997).

Займаецца літаратурнай творчасцю, піша артыкулы, нарысы, апавяданні, аповесці.

Узнагароды

Майстар спорту СССР (1962);
Заслужаны трэнер БССР (1976);
Заслужаны трэнер СССР (1981);
грамата Вярхоўнага Савета БССР (1976);
грамата Савета Міністраў Рэспублікі Беларусь (1997);
знак «Выдатнік адукацыі» (2003)
знак «За развіццё фізічнай культуры і спорту ў Рэспубліцы Беларусь» (2013) і інш.

Зноскі

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8.
Иванченко Евгений Иванович // Республика Беларусь : энциклопедия : [в 7 т.]. — Минск, 2006. — Т. 3. — С. 698.
Иванченко Евгений Иванович // Спортивная энциклопедия Беларуси. — Минск, 2005. — С. 206.