Я́кунька — рака ў Іўеўскім раёне Гродзенскай вобласці, левы прыток ракі Гаўя (басейн Нёмана). Даўжыня 21 км[1]. Плошча вадазбору 96,2 км². Сярэдні нахіл воднай паверхні 1,9‰. Пачынаецца на паўночны ўсход ад вёскі Брагі, цячэ ў межах Лідскай раўніны, упадае ў Гаўю за 1 км на захад ад вёскі Васілевічы. На працягу 16,4 км (ад вытоку да вёскі Васілевічы) каналізаваная. Каля вёскі Чарнэлі створана сажалка (плошча 0,21 км²).