Ява́нскае мора — міжвостраўнае мора Ціхага акіяна, размешчанае ў сярэдзіне Зондскага архіпелага паміж астравамі Барнэа, Сулавесі, Суматра і Ява.
Плошча мора 522 тыс. км². Найбольшая глыбіня 1272 м, сярэдняя 111 м. Пераважаюць глыбіні 30—80 м. Салёнасць 29,5—33,5 г/л.
Яванскае мора сфармавалася ў канцы апошняга ледавіковага перыяду. Зондскім пралівам мора злучаецца з Індыйскім акіянам.
Больш за 3 тысячы марскіх відаў. Рыбалоўства і здабыча жэмчугу. Галоўныя парты: Джакарта, Семаранг, Банджармасін.