Юхан Нурдаль Брун (нарв. Johan Nordahl Brun; 21 сакавіка 1745, Тронхейм — 26 ліпеня 1816, Берген) — нарвежскі паэт, драматург, палітычны дзеяч, біскуп Бергена (1804—1816). Брун зрабіў значны ўклад у станаўленне нацыянальнай нарвежскай літаратуры, стаяў ля вытокаў нарвежскага рамантызму.
У 1767 годзе перабраўся ў Капенгаген, дзе здаў экзамены па багаслоўі. Падчас вучобы ва Універсітэце Капенгагена стаў адным з ключавых членаў Нарвежскага таварыства, якое аб’яднала маладых нарвежскіх пісьменнікаў, паэтаў і філосафаў. З 1774 года быў парафіяльным святаром, праслужыўшы да 1804 года, калі стаў біскупам Бергена.
Брун напісаў першую ў гісторыі нарвежскай літаратуры п’есу Einer Tambeskielver (1772). П’еса спрыяла падняцці нацыянальнага духу і неаднаразова ставілася на сцэне. Ён напісаў мноства вершаў, уключаючы першы (неафіцыйны) гімн Нарвегіі For Norge, Kiempers Fødeland, а таксама апублікаваў зборнік Евангельскіх псалмоў (1786).
Пісьменнік і паэт Нурдаль Грыг з’яляецца нашчадкам Юхану Бруну і быў названы ў гонар вядомага продка.