Юхан Борген (нарв.: Johan Borgen; 28 красавіка 1902, Хрысціянія — 16 кастрычніка 1979) — нарвежскі пісьменнік, журналіст і драматург. У сваёй творчасці даследаваў экзістэнцыялісцкія праблемы сучаснага грамадства. Адзін з найбуйнейшых еўрапейскіх пісьменнікаў сярэдзіны ХХ ст.
Падчас Другой сусветнай вайне Борген дапамагаў перапраўцы ўцекачоў у Швецыю, за свае творы трапіў у канцэнтрацыйны лагер Грыні, але неўзабаве быў вызвалены.
У цэнтры творчасці Боргена трылогія «Маленькі лорд», «Цёмныя крыніцы» і «Цяпер ён не ўцячэ». Аўтар мемуараў «Дні ў Грыні».
На беларускую мову перакладзены апавяданне «Нумерманы» — Васілём Сёмухам для газеты «Літаратура і мастацтва» (28.10.1969) і Лявонам Баршчэўскім для часопіса «Annus Albaruthenicus» (№ 3, 2002), і навела «Звер» Валерам Буйвалам, надрукавана ў часопісе «Annus Albaruthenicus» (№ 7, 2006).