Юрый Пацавіч (Пац) (? — 1505) — дзяржаўны дзеяч Вялікага Княства Літоўскага. Маршалак гаспадарскі і намеснік ковенскі з 1480, ваявода кіеўскі (1486—1492), намеснік новагародскі (1492—1496) і полацкі (1496—1501).
Валодаў маёнткамі ў Лідскім і Берасцейскім паветах.
Сын Паца Доўкшавіча, праўдападобнага пачынальніка Пацаў.
Ажаніўся з Фядорай Рагацінскай (у каталіцтве Соф’я), удавой кобрынскага князя, меў з ёй адзінага сына Мікалая. Фядора пасля смерці Юрыя Паца выйшла за Мікалая Радзівіла Старога.