wd wp Пошук: ⬜

Юрый Аляксеевіч Вашчук

У Вікіпедыі ёсць артыкулы пра іншых асоб з прозвішчам Вашчук.

Юрый Аляксеевіч Вашчук, сцэн. імя ТЕО (24 студзеня 1983, вёска Хідры, Кобрынскі раён Брэсцкай вобласці) — беларускі спявак, кампазітар, аранжыроўшчык.

Біяграфія

Нарадзіўся 24 студзеня 1983 года ў в. Хідры Кобрынскага раёна Брэсцкай вобласці.

Музыкай займаўся з 4 гадоў, пачынаў з баяна, быў лаўрэатам конкурсу «Пралескі», удзельнічаў у тэлепраекце «Зорная ростань». Прафесійную музычную адукацыю атрымаў у Гродзенскім каледжы мастацтваў (клас вакалу). У 2000 годзе быў запрошаны на работу ў Нацыянальны акадэмічны аркестр сімфанічнай і эстраднай музыкі Рэспублікі Беларусь пад кіраўніцтвам Міхаіла Фінберга [1]. У 2008 годзе скончыў Беларускі дзяржаўны ўніверсітэт культуры і мастацтваў [2].

Супрацоўнічае з многімі беларускімі і замежнымі выканаўцамі як аранжыроўшчык і кампазітар. З’яўляецца суаўтарам музыкі да двух расійскіх кінафільмаў.[1]

Разам з Аксанай Вечар вядзе на тэлеканале «Беларусь 3» праграму «Наперад у мінулае», дзе аўтары ездзяць па беларускіх рэгіёнах і запісваюць беларускі фальклор. На асобныя песні ствараецца арыгінальная сучасная аранжыроўка ў творчай манеры артыста з выкарыстаннем арыгінальных галасоў. Паралельна ідзе аповяд аб дадзенай мясцовасці — пра народную песенную творчасць, абрады, народныя промыслы. Фіналам праграмы становіцца новая версія народнай песні ў выкананні сучасных артыстаў.[2]

Лаўрэат Нацыянальнай музычнай прэміі. У 2014 выйграў нацыянальны адбор міжнароднага песеннага конкурсу «Еўрабачанне-2014» з песняй «Cheesecake», на якім затым выйшаў у фінал (у выніку заняў 16-е месца).

Узнагароды

медаль Францыска Скарыны (2015)[3].

Зноскі

1 2 http://news.belta.by/by/news/culture?id=737235 Архівавана 14 студзеня 2014.
1 2 http://nashaniva.by/?c=ar&i=120557
↑ Указ Прэзідэнта Рэспублікі Беларусь ад 27 лютага 2015 года № 108 «Аб узнагароджанні» Архівавана 14 студзеня 2021.

Папярэднік:
Алена Ланская

Беларусь на конкурсе песні Еўрабачанне
2014

Пераемнік:
Uzari & Maimuna

Спасылкі

Пяць фактаў пра Тэа… — nashaniva.by