Юрась (Юрый Віктаравіч) Пацюпа (нар. 13 сакавіка 1965, Полацк) — беларускі мовазнавец, паэт, празаік, крытык.
Скончыў філалагічны факультэт Гродзенскага ўніверсітэта ў 1992 годзе. У 1990—1992 працаваў у Беларускім дзяржаўным музеі народнага дойлідства і побыту. З 1992 — у Гродзенскім універсітэце: загадчык лабараторыі, аспірант кафедры беларускай культуры, а з 1996 — выкладчык гэтай кафедры. Навуковую працу пачынаў пад кіраўніцтвам прафесара Аляксея Пяткевіча.
У 2007—2012 працаваў рэдактарам выдавецтва «Мастацкая літаратура», з 2013 — у Цэнтры даследаванняў беларускай культуры, мовы і літаратуры НАН Беларусі. Жыве ў Мінску.