wd wp Пошук: ⬜

Юлій Платонавіч Пурэцкі

У Вікіпедыі ёсць артыкулы пра іншых асоб з прозвішчам Пурэцкі. Юлій Платонавіч Пурэ́цкі (нар. 22 чэрвеня 1929, г. Ташкент — 30 ліпеня 2007) — беларускі архітэктар. Заслужаны будаўнік Узбекскай ССР (1972).

Біяграфія

Скончыў у 1954 годзе Ташкенцкі політэхнічны інстытут. У 1945—1969 гадах працаваў у праектных арганізацыях Ташкента. У 1975—2000 гадах у інстытуце «Мінскпраект» (кіраўнік майстэрні).

Член Саюза архітэктараў СССР з 1956 года. Пражываў у Мінску.

Творчасць

Асноўныя работы ў Мінску: ТЭА генплана Мінска (1982, кіраўнік аўтарскага калектыву), генплан і праект планіроўкі прыгараднай зоны (1982, прэмія Савета Міністраў СССР, 1985), праект дэталёвай планіроўкі цэнтра Мінска (1983, у сааўтарстве), шэрагу жылых раёнаў, галіновыя схемы перспектыўнага развіцця Мінска (1983—1985). Адзін з аўтараў генеральнага плана Ташкента (1971, прэмія Савета Міністраў СССР), планіроўкі і забудовы цэнтра Ташкента (1975, Дзяржаўная прэмія СССР 1975). Аўтар прац у галіне горадабудаўніцтва.

Творы

Научно-методические основы разработки генерального плана Минска и его пригородной зоны // Стр-во и архитектура Белоруссии. 1982. № 2;
Основные принципы формирования центра Минска (разам з М. Ц. Гардзеенкам) // Стр-во и архитектура Белоруссии. 1984. № 2.

Зноскі

Літаратура

Пурэцкі Юлій Платонавіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
Пурецкий Юлий Платонович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1.(руск.)