Эхімэ[3] — прэфектура Японіі, знаходзіцца ў рэгіёне Сікоку, на востраве Сікоку. Плошча прэфектуры — 5678,33 км², насельніцтва — 1 396 671 чалавек (1 жніўня 2014), шчыльнасць насельніцтва — 245,97 чал./км². Адміністрацыйны цэнтр прэфектуры — горад Мацуяма.
Прэфектура размешчана ў паўночна-заходняй частцы вострава Сікоку. На сушы яна мяжуе на ўсходзе з прэфектурамі Такусіма і Кагава, а на поўдні — з прэфектурай Коты. Поўнач Эхімэ абмываецца водамі Унутранага Японскага мора, а ўсход — водамі мора Ува, часткі Ціхага акіяна. Абодва мора падзеленыя паўвостравам Садамісакі і пралівам Бунга. Па гэтых морах праходзіць мяжа Эхімэ з прэфектурамі Оіта, Ямагуты і Хірасіма.