Эні Ленакс (англ.: Annie Lennox; 25 снежня 1954 г., Абердзін, Шатландыя) — шатландская спявачка. За сваю кар’еру яна ўдастоілася прэмій «Оскар», «Залаты глобус», трох «Грэмі» і васьмі рэкордных «BRIT Awards».
Яна дасягнула найбольшага поспеху ў пачатку 1990-х гадоў, калі пачала сольную кар’еру выпусціўшы ў 1992 годзе альбом “Diva”, які спарадзіў некалькі хітоў. Яна выпусціла 5 студыйных альбомаў і некалькі зборнікаў.
Эні Ленакс была ўключаная ў спіс «100 найвялікшых выканаўцаў усіх часоў па версіі Rolling Stone». Ёй быў прысвоены тытул «Самога паспяховага музыкі Вялікабрытаніі» дзякуючы яе камерцыйнага поспеху. Ленакс з’яўляецца адным з самых прадаваных музыкантаў з продажамі больш за 80 мільёнаў запісаў па ўсім свеце.
Эні Ленакс актыўна займаецца дабрачыннасцю (барацьбой за правы жанчын, геяў і лесбіянак, за захаванне лясоў, супраць эпідэміі ВІЧ, галечы, і г.д.). Яна з’яўляецца паслом добрай волі ЮНЭЙДС, а ў 2011 годзе была ўзнагароджана ордэнам Брытанскай імперыі.