Эмамалі Рахмон (тадж.: Эмомалӣ Раҳмон); нар. 5 кастрычніка 1952) — дзяржаўны дзеяч, старшыня Вярхоўнага Савета Таджыкістана (1992—1994), з 1994 года — прэзідэнт Таджыкістана, носіць тытул «Пешвои миллат» (Пан народу). У выніку канстытуцыйнага рэферэндума прынятыя папраўкі, якія здымаюць з прэзідэнта Таджыкістана Эмамалі Рахмона абмежаванні па ліку перавыбранняў на пасаду прэзідэнта[3][4][5] і якія зніжаюць узроставы цэнз для прэзідэнта з 35 да 30 гадоў.
Эмамалі Рахмон нарадзіўся 5 кастрычніка 1952 года ў пасёлку Дангара Кулябскай вобласці Таджыкскай ССР. Скончыўшы сярэднюю школу, ён пачаў працаваць электрыкам маслазавода ў Курган-Цюбе, затым з 1971 па 1974 ён служыў матросам на Ціхаакіянскім флоце, а пасля заканчэння службы вярнуўся на завод. У 1982 годзе Рахмон скончыў эканамічны факультэт Таджыкскага дзяржаўнага ўніверсітэта. З 1976 па 1988 працаваў сакратаром праўлення калгаса Дангарынскага раёна Кулябскай вобласці, старшынёй прафкама гэтай гаспадаркі, а таксама займаў пасаду ў партыйных органах. У чэрвені 1988 года Рахмон стаў дырэктарам саўгаса ім. Леніна Дангарынскага раёна, займаючы гэтую пасаду да лістападзе 1992 г.