Элісан Мішэль Фелікс (англ.: Allyson Michelle Felix, нар. 18 лістапада 1985, Лос-Анджэлес) — амерыканская бягунка на кароткія дыстанцыі (100, 200 і 400 метраў). 6-разовая алімпійская чэмпіёнка і 13-разовая чэмпіёнка свету. Самая тытулаваная лёгкаатлетка ў гісторыі Алімпійскіх гульняў і чэмпіянатаў свету. Адзіная ўладальніца 6 залатых алімпійскіх узнагарод у гісторыі жаночай лёгкай атлетыкі, па колькасці медалёў у суме дзеліць рэкорд з Мерлін Оці (па 9).
Па колькасці ўзнагарод чэмпіянатаў свету па лёгкай атлетыцы (13 залатых медалёў) у 2019 годзе Фелікс апярэдзіла Усэйна Болта (11 залатых медалёў), стаўшы самай тытулаванай спартсменкай гэтых спаборніцтваў.