У Вікіпедыі ёсць артыкулы пра іншых асоб з прозвішчам Аршанскі. Эдуа́рд Льво́віч Арша́нскі (25 жніўня 1899, Невель, Невельскі павет, Віцебская губерня, Расійская імперыя — 6 ліпеня 1974) — беларускі савецкі кінарэжысёр.
Скончыў Дзяржаўны інстытут кінематаграфіі ў Маскве ў 1931 годзе[1]. У 1919—1920 гадах кіраваў перасоўнымі тэатральнымі трупамі у частках Паўднёвага(руск.) бел. і Заходняга франтоў. Працаваў у тэатрах Ленінграда, рабочых клубах Віцебска (1917—1927), на Ленінградскай кінастудыі дакументальных фільмаў (з 1950), узначальваў Свярдлоўскі абаронны тэатр(руск.) бел. (1941—1949). У 1931—1941 рэжысёр кінастудыі «Савецкая Беларусь»[1].
У 1932 годзе паставіў адзін з першых беларускіх гукавых фільмаў — «Баям насустрач», прысвечаны жыццю сельскіх школьнікаў[2]. Стварыў фільм «Двойчы народжаны» (1934) з акцёрам У. Крыловічам у галоўнай ролі. Сярод іншых фільмаў: «Новая Радзіма» (1935), «Салавей» (1937)[1].