Дэ́від Э́ван Мак-Ма́лін (англ.: David Evan McMullin; нар. 2 красавіка 1976, Прова) — былы галоўны палітычны дырэктар Рэспубліканскай канферэнцыі ў Палаце прадстаўнікоў ЗША і былы аператыўны афіцэр ЦРУ.
8 жніўня 2016 года абвясціў, што будзе балатавацца ў якасці незалежнага кандыдата у прэзідэнты ЗША на выбарах 2016 года, як паведамляецца, пры падтрымцы арганізацыі «Лепшае для Амерыкі». Апісвае сябе як кансерватыўную альтэрнатыву двум асноўным кандыдатам: Хілары Клінтан з Дэмакратычнай партыі і Дональду Трампу з Рэспубліканскай партыі.