wd wp Пошук: ⬜

Эбра

Э́бра (ісп.: Ebro, катал.: Ebre, лац.: Hiberus, стар.-грэч.: Έβρος) — рака на поўначы Іспаніі.

Даўжыня ракі 928 км. Плошча басейна 86,8 тыс. км². Рака бярэ пачатак на паўночных схілах Кантабрыйскіх гор, працякае па Арагонскай раўніне, Каталонскім гарам і ўпадае ў Міжземнае мора. У межах Арагонскай раўніны ад Эбры адгаліноўваюцца арашальныя каналы.

На рацэ гарады Сарагоса, Тартоса, Лагронья і інш.

Назва

Рака была вядомая старажытным грэкам пад назвай Έβρος, рымлянам — Iberus (Hiberus). Паходжанне назвы звязваюць з іберамі — старажытным народам рэгіёну, продкамі сучасных баскаў. Ібера — рымская назва Іспаніі. Таксама імя можа паходзіць ад слова ібар, у сучаснай мове баскаў мае значэнне даліна.

Гл. таксама

Рака Эга

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — С. 38. — 472 с. — 10 000 экз. — ISBN 985-11-0295-4 (т. 18. Кн. 1), ISBN 985-11-0035-8.

Спасылкі

Эбро (руск.) — артыкул з Вялікай савецкай энцыклапедыі