Шыншы́ла, або чынчы́ла[1] (Chinchilla lanigera) — від грызуноў сямейства шыншылавых. Від вельмі рэдкі ў дзікай прыродзе. Сустракаецца толькі на высакагор’ях Анд ў Чылі, Балівіі, Перу.
Даўжыня цела 22—38 см, хваста 7,5—15 см, маса 0,5—1 кг. Футра мяккае, густое, шаўкавістае, на спіне блакітнавата- або карычневата-шэрае зчарнаватым адценнем, на бруху жаўтавата-белае (лічыцца адным з самых дарагіх у свеце). Вушы вялікія, акруглыя. Хвост пушысты, нагадвае вавёрчын. 1—3 разы на год нараджае 1—6 дзіцянят. Корміцца надземнымі часткамі раслін.