Шчадрава́нне — традыцыйны звычай хадзіць на шчадрэц па хатах у беларусаў і іншых славянскіх народаў. Звычайна група моладзі са «шчодрай» — прыгожай дзяўчынай, якую апраналі ў святочнае адзенне, на галаву надзявалі папяровы вянок з рознакаляровымі стужкамі, хадзіла па хатах, дзе выконвала шчадроўкі — песні, што ўслаўляюць гаспадара, гаспадыню, іх дзяцей і гаспадарку[1].