Ці́саўка[1][2], канал Вялікі Нікар[2] — рака ў Беларусі, у Пружанскім раёне Брэсцкай вобласці, левы прыток ракі Нараўка (басейн Віслы).
Даўжыня ракі 11 км. Плошча вадазбору 49 км². Сярэдні нахіл воднай паверхні 0,4 м/км. Выток ракі знаходзіцца за 1,4 км у напрамку на поўдзень ад вёскі Хвалава[2]. Упадае ў Нараўку прыкладна за 3 км у напрамку на захад ад вёскі Бабінец. Вадазбор на паўночнай частцы Прыбужскай раўніны. Рэчышча Цісаўкі каналізаванае. Прытокі — меліярацыйныя каналы.