Цікамацу Мандзаэмон (1653-6 студзеня 1725) — японскі драматург, якога часта называюць «японскім Шэкспірам».
Цікамацу нарадзіўся ў 1653 годзе, верагодна, у самурайскай сям’і. Атрымаў добрую адукацыю. Разам з бацькам, які стаў ранінам, пераязджае ў другой палове 1660-х гадоў у Кіёта.
На працягу 20 гадоў супрацоўнічаў з Кіёцкім тэатрам кабукі і яго вядучым акцёрам Саката Тадзюра (1647-1709). У 1705 годзе спыняе пісаць для тэатра кабукі і адпраўляецца ў Осаку, дзе піша п’есы для тэатра марыянетак дзёруры «Такэматодза», якім кіраваў Такэмо То-Гідаю. З гэтага часу Цікамацу піша толькі для дзёруры.