Цёркс і Кайкас (англ.: the Turks and Caicos Islands) — Брытанская заморская тэрыторыя ў Карыбскім моры, на якую Вялікабрытанія захавала за сабой паўнамоцтвы па пытаннях абароны і міжнародных адносін. 15 жніўня 2009 года Вялікабрытанія ўвяла прамое кіраванне на астравах, патлумачыўшы свае дзеянні шматлікімі фактамі карупцыі ў мясцовым кіраўніцтве.
Сталіца — горад Коберн-Таўн.
Дзве групы астравоў знаходзяцца у паўночнай часткі Атлантычнага акіяна, на паўднёвым усходзе ад Багамскіх астравоў, на паўночным захадзе ад Пуэрта-Рыка, на поўначы ад в. Эспаньёла, і каля 620 міль ад Маямі (ЗША). Фізічна астравы адносяцца да архіпелага Багамскія астравы.
Складаецца з 8 асноўных і больш за 299 дробных астравоў, якія складюць агульную плошчу 616,3 км2.
Астравы Цёркс і Кайкас маюць трапічны клімат з адносна стабільнай тэмпературай на працягу ўсяго году. Летам тэмпература рэдка перавышае 33 °C, а тэмпература зімовай ноччу рэдка апускаецца ніжэй за 18 °C.
| Клімат Цёркс і Кайкас | |||||||||||||
|---|---|---|---|---|---|---|---|---|---|---|---|---|---|
| Паказчык | Сту | Лют | Сак | Кра | Май | Чэр | Ліп | Жні | Вер | Кас | Ліс | Сне | |
| Сярэдні максімум, °C | 27 | 27 | 28 | 28 | 29 | 30 | 31 | 31 | 31 | 30 | 29 | 28 | |
| Абсалютны мінімум, °C | 23 | 23 | 23 | 24 | 25 | 26 | 27 | 27 | 27 | 26 | 24 | 24 | |
| Норма ападкаў, мм | 36,1 | 34,0 | 24,6 | 35,6 | 29,5 | 54,9 | 30,0 | 40,4 | 66,5 | 74,9 | 93,5 | 85,1 | |
| Крыніца: Weather.com [1] Weatherbase.com [2] | |||||||||||||
Асноўны артыкул: Гісторыя Цёркс і Кайкас Астравы адкрыты іспанцамі ў 1852 г., у XVII ст. заселены каланістамі з Багамскіх астравоў. З 1766 г. уладанне Вялікабрытаніі. У 1874 — 1962 гг. у адміністрацыйным падпарадкаванні Ямайкі. У 1959 г. астравы атрымалі ўнутранае самакіраванне, 30 жніўня 1976 г. прынята Канстытуцыя. На востраве Гранд-Цёрк базы ВВС і ВМС ЗША. На парламенцкіх выбарах у Заканадаўчы сход 4 сакавіка 1999 г. перамагла партыя Народны дэмакратычны рух (правячая з 1995 г.).
10 лютага 2007 г. прайшлі парламенцкія выбары на якіх перамагла Прагрэсіўная нацыянальная партыя 60% галасоў і 13 мандатаў.
Асноўны артыкул: Дзяржаўны лад і палітыка Цёркс і Кайкас Цёркс і Кайкас — заморская тэрыторыя Вялікабрытаніі. Суверэнам тэрыторыі з’яўляецца каралева Вялікабрытаніі Лізавета II, у асобе губернатара, які прызначаецца манархам, па рэкамендацыі Міністэрства замежных спраў і спраў Садружнасці.
Па Канстытуцыі, прынятай 9 жніўня 2006 г., тэрыторыяй кіруе заканадаўчы орган — Палата сходу (21 дэпутат).