wd wp Пошук: ⬜

Хуан II Бязверны

У паняцця ёсць і іншыя значэнні, гл. Хуан II.

Хуан II Бязверны (ісп.: Juan II de Aragón, el Grande; 29 чэрвеня 1397 — 20 студзеня 1479) — кароль Арагона з 1458 года, кароль Навары з 1425 года.

Авалодаў прастолам Навары ў 1425 годзе, атрымаўшчы яго ў спадчыну пасле смерці свайго цесця Карла III Наварскага. Меў шэраг сутыкненняў са сваім сынам дон Карласам дэ Віянэ, які, пасля смерці жонкі Хуана, Бланкі ў 1441 годзе, павінен быў атрымаць у спадчыну Навару. Сын вымушаны быў бегчы і пазней, калі Хуан атрымаў у спадчыну ад свайго старэйшага брата, Альфонса Велікадушнага, Сіцылію і Арагон (1458), дабіцца шэраг поспехаў над бацькам.

Хуану прыйшлося ў 1472 годзе здушыць сур’ёзнае паўстанне каталонцаў; у 1473 годзе прадпрыняў няўдалую спробу авалодаць Русільёнам, які ён сам раней павінен быў саступіць Людовіку XI.

Дзеці

Ад першага шлюбу з Бланкай Наварскай:

Карл (29 мая 1421 — 23 верасня 1461), прынц Віянскі з 1421, намеснік Навары 1441—1447, прэтэндэнт на наварскую карону (пад імем Карл IV);
Хуана (1423 — 22 жніўня 1425);
Бланка (1424 — 2 снежня 1464), прынцэса Віянская з 1461, прэтэндэнтка на наварскую карону (пад імем Бланка II); муж: з 15 верасня 1440 года (Вальядалід, ануляваны ў 1453 годзе) Энрыке IV Нямоглы (25 студзеня 1425 — 11 снежня 1474), кароль Кастыліі і Леона з 1454;
Элеанора (2 лютага 1425 — 12 лютага 1479), каралева Навары з 1479; муж: з 30 ліпеня 1436 года Гастон IV дэ Граі (26 лютага 1423 — 25 ліпеня 1472), граф дэ Фуа і дэ Бігор, віконт дэ Беарн з 1436, віконт дэ Кастэльбон 1425—1462, віконт дэ Нарбон 1447—1468, пэр Францыі з 1458;

Ад другога шлюбу з Хуанай Энрыкес:

Фердынанд (10 сакавіка 1452 — 23 студзеня 1516), кароль Арагона (1479—1516), Сіцыліі (1468—1516), Неапаля (1504—1516), муж і суправіцель каралевы Ізабелы Кастыльскай;
Хуана (1455—1517), жонка з 1476 года Фернанда I Неапалітанскага.

Зноскі

1 2 3 4 5 6 7 8 Kindred Britain
1 2 (unspecified title) Праверана 7 жніўня 2020.
↑ Lundy D. R. The Peerage

Літаратура

Пры напісанні гэтага артыкула выкарыстоўваўся матэрыял з Энцыклапедычнага слоўніка Бракгаўза і Ефрона (1890—1907).

Спасылкі

На Вікісховішчы ёсць медыяфайлы па тэме Хуан II Бязверны