wd wp Пошук: ⬜

Хуан Карлас I

Хуа́н Ка́рлас I Альфо́нса-Ві́ктар-Мары́я дэ Бурбо́н і дэ Бурбо́н (ісп.: Juan Carlos I Alfonso Víctor María de Borbón y de Borbón; нар. 5 снежня 1938) — кароль Іспаніі з 22 лістапада 1975 па 18 чэрвеня 2014 [5]

Унук караля Альфонса XIII і сын Хуана дэ Бурбона, графа Барселонскага, нарадзіўся ў Рыме, дзе каралеўская сям’я атрымала прытулак па абвяшчэнні ў Іспаніі Другой Рэспублікі.

Адпаведна дамоўленасці паміж Франсіска Франка і графам Барселонскім ад 25 жніўня 1948 года, будучы кароль пераехаў у Іспанію.

Вучыўся ў каледжы святога Ісідара ў Мадрыдзе, потым у Агульнай Ваеннай акадэміі ў Сарагосе (1955—1957), Ваенна-Марской Вучэльні ў Пантэведры (1957—1958) і ў Агульнай Лётнай акадэміі «Сан-Хаўер» у Мурсіі (1958—1959), скончыў універсітэт Камплутэнсэ ў Мадрыдзе (1961).

У 1969 годзе абвешчаны пераемнікам кіраўніка іспанскай дзяржавы. Каранаваны 22 лістапада 1975 года. На рэферэндуме 1978 года Іспанія абвешчана парламенцкай манархіяй. 2 чэрвеня 2014 года было абвешчана, што неўзабаве кароль зрачэцца стальца на карысць свайго сына Феліпэ[6].

У шлюбе з прынцэсай Сафіяй Грэчаскай (нарадзілася 2 лістапада 1938) маюць дзяцей:

інфанту Алену (нарадзілася 20 снежня 1963)
інфанту Хрысціну (нарадзілася 13 чэрвеня 1965)
Філіп VI (нарадзіўся 30 студзеня 1968)

Кур’ёзы

10 сакавіка 2007 г. падчас прамовы прэм’ер-міністра Іспаніі Хасэ Луіса Сапатэра на Ібера-Амерыканскай сустрэчы на вышэйшым узроўні ў Сант’яга, Чылі, адбыўся інцыдэнт: Хуан Карлас I прапанаваў Прэзідэнту Венесуэлы Уга Чавесу «заткнуцца». Вельмі хутка фраза ¿Por qué no te callas? стала інтэрнэт-мемам.

Зноскі

1 2 Хуан Карлос I // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
↑ Juan Carlos // Encyclopædia Britannica Праверана 9 кастрычніка 2017.
1 2 3 4 5 Lundy D. R. The Peerage
↑ (unspecified title) Праверана 7 жніўня 2020.
↑ Кароль Іспаніі падпісаў закон аб адрачэнні Архівавана 8 ліпеня 2014.
↑ Король Испании отрекся от престола: Возрождение страны должно возглавить новое поколение Архівавана 4 чэрвеня 2014.

Спасылкі

На Вікісховішчы ёсць медыяфайлы па тэме Хуан Карлас I

Іспанскі каралеўскі дом

Яго Вялікасць Кароль
Яе Вялікасць Каралева

Яго Вялікасць Кароль дон Хуан Карлас
Яе Вялікасць Каралева донья Сафія

Я.К.В. Герцагіня дэ Луга
- Яго Правасхадзіцельства дон Феліпэ Фройлан
- Яе Правасхадзіцельства донья Вікторыя Федэрыка
Я.К.В. Герцагіня Пальма-дэ-Маёркская
Яго Правасхадзіцельства Герцаг Пальма-дэ-Маёркскі
- Яго Правасхадзіцельства дон Хуан
- Яго Правасхадзіцельства дон Пабла
- Яго Правасхадзіцельства дон Мігель
- Яе Правасхадзіцельства донья Ірэна

Пашыраны склад дому