.mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Хуан Антоніа Рыяс Маралес (ісп.: Juan Antonio Ríos; 10 лістапада 1888, Каньетэ — 27 чэрвеня 1946, Сант’яга) — чылійскі палітык, прэзідэнт Чылі з 1942 па 1946 год. Член Радыкальнай партыі. Быў вылучаны кандыдатам ад Дэмакратычнага альянсу на прэзідэнцкіх выбарах 1942 года, праведзеных пасля смерці прэзідэнта Педра Агірэ Серда, перамог на іх Карласа Ібаньеса дэль Кампа.
Яго ўрад першапачаткова спрабаваў захоўваць нейтралітэт падчас Другой сусветнай вайны, але эканамічны і дыпламатычны ціск у канчатковым выніку прывялі да разрыву адносін з дзяржавамі восі. Гэта спрыяла таму, што Чылі атрымала права на пастаўкі па ленд-лізу, якія ажыццяўляліся ЗША, і на атрыманне крэдытаў, якія якія спрыялі аднаўленню эканомікі.
На эканамічным фронце яму давялося мець справу з ростам беспрацоўя і падзеннем заработнай платы, якія былі выкліканыя падзеннем сусветных коштаў на медзь. З-за пагаршэння стану здароўя яму давялося сысці з пасады прэзідэнта ў студзені 1946 года, перадаўшы гэтую пасаду свайму міністру ўнутраных спраў Альфрэда Дуальдэ Васкесу.