Хофбройхаус (ням.: Hofbräuhaus — «Прыдворны бровар») — вялікі піўны рэстаран з піўным садам, размешчаны ў Мюнхене на плошчы Плацль, недалёка ад цэнтральнай плошчы горада Марыенплац.
Адкрыўся ў якасці прыдворнага бровара баварскіх герцагаў у 1607 годзе. З 1828 года бровар адкрыўся для свабоднага наведвання. У 1897 годзе будынак быў перабудаваны пад рэстаран, у 1958 годзе праведзена яго поўная рэканструкцыя. 3 лістапада 1997 года ў цэнтры Мюнхена адбылося вялікае свята, прысвечанае 100-годдзю знакамітага «Хофбройхауса».
У розныя гады Хофбройхаус наведвалі вядомыя палітычныя і культурныя дзеячы: Вольфганг Амадэй Моцарт, Лізавета Баварская, Уладзімір Ленін з жонкай Надзеяй Крупскай, Адольф Гітлер. Сёння Хофбройхаус карыстаецца папулярнасцю ў шматлікіх замежных турыстаў і сярод мясцовых жыхароў як адна з славутасцяў Мюнхена.