Хо́мскі сельсавет (руск.: Хомский сельсовет) — адміністрацыйна-тэрытарыяльная адзінка ў складзе Драгічынскага раёна Брэсцкай вобласці. Цэнтр — аграгарадок (да 2008 г. вёска) Хомск.
Утвораны 12 кастрычніка 1940 года ў складзе Драгічынскага раёна Палескай вобласці БССР. З 8 студзеня 1954 года ў Брэсцкай вобласці. 16 ліпеня 1954 года да сельсавета далучана тэрыторыя скасаванага Жаберскага сельсавета[1], 31 сакавіка 1959 года — тэрыторыя скасаванага Гошаўскага сельсавета[2]. 21 студзеня 1961 года ў склад Немяржанскага сельсавета перададзены вёскі Маркавічы і Чарнеевічы[3], якія 16 мая 1988 года вернуты ў склад Хомскага сельсавета[4].
Насельніцтва сельсавета паводле перапісу 2009 года — 1936 чалавек[5], з іх 96,9 % — беларусы[6].
У складзе сельсавета 10 населеных пунктаў: Гнілец, Гошава, Дубраўкі, Жабер, Заточча, Заяленне, Маркавічы, Старамлыны, Хомск, Чарнеевічы.