Харальд цур Хаўзен (ням.: Harald zur Hausen; нар. 11 сакавіка 1936, Гельзенкірхен, Германія) — нямецкі медык і навуковец, лаўрэат Нобелеўскай прэміі ў галіне медыцыны і фізіялогіі 2008 года, якую ён падзяліў з Люкам Мантанье і Франсуазай Барэ-Сінусі. Цур Хаўзен адкрыў ролю папіломавірусаў у развіцці рака шыйкі маткі. У цяперашні час — ганаровы прафесар.
Харальд цур Хаўзен нарадзіўся Гельзенкірхене, Германія, паступіў у гімназію ў Фехтэ і вывучаў медыцыну ва ўніверсітэтах Бона, Гамбурга і Дюсельдорфа і ў апошнім атрымаў ступень доктара медыцыны ў 1960 годзе, пасля чаго стаў фельчарам.