Халід ібн Абдэль Азіз ас-Сауд (1912 — 13 чэрвеня 1982) — 4-ы кароль Саудаўскай Аравіі ў 1975—1982 гадах.
Халід стаў наследным прынцам ў 1965 годзе пасля таго, як яго старэйшы брат Мухамед ібн Абдэль Азіз адмовіўся ад гэтага тытула. Да каранацыі працаваў у ААН. Пры праўленні Халіда ў Саудаўскай Аравіі была створана сучасная інфраструктура, ўдасканалена сістэма аховы здароўя, ажыццёўлена другая прамысловая пяцігодка. Халід аднавіў трывалыя знешнепалітычныя сувязі Саудаўскай Аравіі з ЗША. Халід памёр у 1982 ад сардэчнага прыступу. Яго імем названы міжнародны аэрапорт Эр-Рыяд.