Фі́сцыя (Physcia) — род ліставатых лішайнікаў сямейства Фісцыевыя. Налічвае каля 50 відаў, пашыраных паўсюдна.
Слаявіна фісцый мае выгляд лістападобных разетак, падзеленых на лопасці. Колер шараваты са шматлікімі рызоідамі, часам цёмны. Пладовыя целы сядзячыя. Споры карычневага колеру, у форме эліпсоіда.
Сустракаюцца на кары дрэў і кустоў, камянях, апрацаванай драўніне.