У Вікіпедыі ёсць артыкулы пра іншых асоб з прозвішчам Бот.
Франсіс Бот (8 сакавіка 1904, Франкфурт-на-Майне — 7 лістапада 1998, Лугана, Тычына) — нямецкі жывапісец і прадстаўнік «Другой Парыжскай школы», г.зн., французскага «Інформэля». У яго мастацкай творчасці суіснуюць супрацьлеглыя акцэнты: сюррэалістычная, фантастычная аб’ектыўнасць і тахістычная, геаметрычная абстракцыя. Яго творчасць складаецца з жывапісу, вітражоў, акварэлі, гуашы, скульптуры і інш.; ён таксама працаваў сцэнографам.