wd wp Пошук: ⬜

Ферэнц Надашы

Фе́рэнц На́дашы (венг.: Nádasi Ferenc; 16 кастрычніка 1893, Будапешт — 20 лютага 1966) — венгерскі балетнік, балетмайстар, педагог. Заслужаны артыст Венгрыі (1955). Лаўрэат Прэміі імя Л. Кошута (1958).

Біяграфія

Вучыўся ў Будапешце, удасканальваўся ў Э. Чэкеці. У 1913—1921 гадах саліст, у 1936—1962 гадах балетмайстар і педагог Венгерскага опернага тэатра ў Будапешце, выконваў галоўныя партыі ў яго спектаклях. У 1950—1961 гадах дырэктар тэатра. У 1950—1953 гадах педагог Інстытута балета.

Творчасць

Сярод лепшых пастановак: «Сільвія» на музыку Л. Дэліба (1942), «Прывід ружы» на музыку К. М. Вебера і «Дзень нараджэння інфанты» Дж. Карпентэра (абедзве 1948) і інш. Стварыў балетную школу (1937), у педагагічнай працы спалучаў стыль італьянскай школы класічнага танца з нацыянальнымі асаблівасцямі венгерскага танцавальнага мастацтва.

Зноскі

↑ Nádasi Ferenc // http://mek.oszk.hu/00300/00355/html/ABC10888/10909.htm Праверана 9 кастрычніка 2017.
↑ http://www.bessenyei.hu/farkasret/abc.pdf Праверана 6 кастрычніка 2019.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх