Фелікс Андрыс Венінг-Мейнес (30 ліпеня 1887, Гаага — 10 жніўня 1966, Амерсфарт) — нідэрландскі геафізік і геадэзіст.
Заваяваў вядомасць дзякуючы вынаходніцтву дакладнага метаду вымярэння гравітацыйнага поля Зямлі. Гэты метад дазволіў рабіць марскія вымярэнні гравітацыйнага поля, што прывяло да адкрыцця вучонымі гравітацыйных анамалій марскога дна. Пазней гэтыя анамаліі сталі адным з доказаў існавання дрэйфу мацерыкоў.