«Эстудыя́нтэс» (ісп.: Estudiantes) — аргенцінскі футбольны клуб з горада Ла-Плата, які належыць да агламерацыі Вялікага Буэнас-Айрэса. Клуб гуляе ў Прымеры, дзе праводзіць большую частку сваёй гісторыі. Клуб з’яўляецца адным з самых паспяховых у Аргенціне, менавіта ён у 1967 годзе стаў першым чэмпіёнам краіны з ліку каманд, якія не адносяцца да гэтак званай «вялікай пяцёрцы». Асноўным супернікам клуба з’яўляецца каманда «Хімнасія і Эсгрыма», менавіта з якой выйшлі незадаволеныя ігракі і заўзятары і стварылі клуб «Эстудыянтэс». Матчы паміж гэтымі супернікамі носяць назву Дэрбі Ла-Платы.
Акрамя футбольнай каманды клуб мае каманды па баскетболе, гандболе, хакеі на траве, гольфе, валейболе, дзюдо і плаванні.
Уладальнікі Кубка Лібертадорэс: 4
Уладальнікі Міжкантынентальнага кубка: 1
Уладальнікі Міжамерыканскага кубка: 1
Удакладненне: А — Апертура, М — Метрапалітана, Н — Насьяналь